د لوړو ټولنیزو اغیزو سره د پراختیایي پروژو مشرتابه درېیمه غونډه ترسره شوه
افغانستان- د اقتصاد وزارت: د لوړو ټولنیزو اغیزو سره د پراختیایي پروژو HICDP د مشرتابه درېیمه غونډه د اقتصاد وزارت د تخنیکي او مسلکي معینیت سرپرست محمد نبی سروش، افغانستان کې د هندوستان هېواد د سفارت مرستیال راګو رام او د دې هېواد د سفارت د پراختیایي برخې مسوول په ګډون ترسره شوه.
په دې غونډه کې، د افغانستان بانک ته د HICDP پروژو حساب کې د پیسې د فزیکي لېږدولو کې د تاخیر په اړه، د تدارک په پروسه کې د پروژو، د نويو وړاندیز شوو پروسو او د پروژو د اضافه کاریو په اړه بحث او لازمه پریکړه ونیول شوه.
د کاپیسا ولایت د البیروني پوهنتون دننه د 2.57 کیلومټره سړکونو د اسفالت پروژه د HICDP پروژو د رهبرۍ لخوا تایید شوه.
همدارنګه د هندوستان سفارت ژمنه وکړه، چې د HICDP د څلورمې برنامې مرحله به د بهرنیو چارو وزارت سره تعقیب کړي چې ژر تر ژره لاسلیک شي.
