د کندهار ولایت د پراختیایي کمیټې PDC غونډه جوړه شوه
افغانستان- د اقتصاد وزارت: د کندهار ولایت د پراختیایي کمیټې غونډه د کندهار والي روحالله خانزاده په مشرۍ او د یاد ولایت د اقتصاد رییس ګل احمد آرین او ځینو مرستندویه او تمویل کونکو نهادونو په ګډون د ولایت مقام د کنفرانس په تالار کې جوړه شوه.
د کندهار والي په دې غونډه کې ۱۴۰۱ کال لپاره د پراختیایي پروژو د لومړیتوب ورکوونې لپاره د ځپل شویو سیمو پر دقیقه سروې ټینګار وکړ.
د اقتصاد رئیس ګل محمد آرین زیاته کړه، د کندهار د اقتصاد ریاست د جاري کال لپاره ددغه ولایت پرمختیایي پلان ترتیب کړی دی، چي د ټولو ادارو سره د پروژو غوښتنلیکونه، د پروژو د خلص او د سندونو او مربوطه سکتوری ریاستونو په همکارۍ جوړ شوې، چي په ټولیزه توګه ۶۳ پروژې په مجموعي ارزښت ۱ میلیارد، ۳۱۴ میلیونه، ۵۲۶ زره او ۷۸ افغانۍ کیږي، پیشنهاد شوې دي، چې یادې پروژې ته د روڼتیا او حساب ورکوونې او هم د جنسیتي تناسب سره سم لومړیتوب ورکول شوی دی.
همدارنګه په دې غونډه کې د کندهار-سپین بولدک د ریل پټلۍ د جوړولو په اړه، چې د پاکستان سره د افغانستان په ترانزیټي ارزښت او اقتصادي وده کې اړین دی، بحث ترسره شوه.
