د ۱۴۰۱ مالي کال لپاره د بلخ ولایت پراختیایي اقتصادي پلان په اړه بحث وشو
افغانستان- د اقتصاد وزارت: د ۱۴۰۱ مالي کال لپاره د بلخ ولایت د اقتصادي او ټولنیز پراختیایي پلان د همغږۍ او د اوسنیو حالاتو د پراختیایي پروژو د څرنګوالي او په ۱۴۰۰ مالي کال د ملي بودجې په سند کې نوموړي ولایت ته ځانګړې شوې پراختیایي بودیجې غونډه د ولایتي شورا رییس او غړو، د سکتوري ادارو رییسانو او د افغانستان د روڼتیا څارونکې د دفتر مسؤلینو په ګډون په ولایتي شورا کې جوړه شوه.
د بلخ ولایت د اقتصاد رییس جنت ګل شرافت په اوسنیو حالاتو کې د اقتصادي او ټولنیزې پراختیایي پروژو څرنګوالي او په ۱۴۰۰ مالي کال کې د ملي بودیجې په سند کې یاد ولایت ته ځانګړې شوې پراختیایي بودیجې په اړه او د اقتصاد ریاست د رهبرۍ له لوري د پراختیایي پروژو د تطبیق څخه څارنه او ارزونې په اړه معلومات وړاندې کړل.
وروسته په بلخ ولایت کې د روڼیتا څارونکې موسسې د سیمه اییز دفتر مسؤل د څار د بورډ د پیدا کړو معلوماتو په وړاندې کولو سره د پروژو د چارو د کیفیت د لوړولو په موخه له زیربطو اداراتو څخه د څارنې بورډ د هدایت او پرېکړې د پلې کولو غوښتنه وکړه.
