په افغانستان کې د برښنایي سوداګرۍ د وضعیت په پار څیړنیز کنفرانس دایر شو
۱۳۹۹/ سلواغه /۹
په افغانستان کې د برښنایي سوداکرۍ د وضعیت په اړه څیړنیز کنفرانس د هیواد د اقتصاد او صنعت او سوداګرۍ وزیرانو او زیات شمیر پالیسۍ جوړونکو، څیړونکو، د کاري بنسټونو غړو او د اقتصاد او سوداګرۍ فعالینو په حضور کې د البیروني څیړنیز انسټیټیوت له لورې، چې موخه یې د برښنایي سوداګرۍ پیاوړتیا، فرصتونه او د سکتوري وزارتونو او خصوصي سکتورونو د بنسټونو په مسولیتونو باندې و، نن په کابل کې دایر شو.
په پیل کې د نوموړي انسټیټیوت اجراییوي رییس نذیر کبیري د اوسپنې د پټلۍ له لارې د سیمه ییز اتصال په موخه د برښنایي سوداګرۍ پیاوړتیا ته د لازمې زمینې د برابرښت یاده وکړه.
ورپسې د اقتصاد وزیرې ډاکټر کریمه حامد فاریابي ددغه کنفرانس د جوړونکو څخه مننه وکړه. او زیاته یې کړه، چې برښنایي سوداګري د اوسني عصر یوه اړینه اړتیا ده. او د افغانستان حکومت د خصوصي سکتورونو د پیاوړتیا لپاره عملي ګامونه اوچت کړي دي. او موږ به د هغو بنسټونو څخه زیات ملاتړ وکړو، چې په هیواد کې د اقتصادي پیاوړتیا باعث ګرځي.
نوموړې زیاته کړه: چې تیره ورځ مو د هیواد د سکتوري وزیرانو سره د دولتي ځمکو د ویش په میکانیزم غونډه درلوده، تر څو خصوصي سکتورونه او متشبثین وکولای شي، چې په هیواد کې د پانګې اچونې لپاره فرصتونه برابر کړي او بهرني او کورني پانګوالو لپاره د ښې پانګونې زمینه چمتو شي.
وروسته د صنعت او سوداګرۍ وزیر نثار احمد غوریاني وویل، چې په افغانستان کې برښنایي سیستم پیل شوی او د افغانستان دولت په دې برخه کې اهم قدمونه اخیستي دي. او د صنعت او تجارت وزارت د جوازونو اخیستل برښنایي کړي او برښنایي سوداګرۍ عملًا پیل شوې ده.
