په اقتصاد وزارت کې د دولتي ادارو او وزارتونو سره د پلازمینې زون پراختیا ادارې کاري غونډه جوړه شوه
![په اقتصاد وزارت کې د دولتي ادارو او وزارتونو سره د پلازمینې زون پراختیا ادارې کاري غونډه جوړه شوه](/sites/default/files/2021-05/177559409_1621489914715285_2478144151678805325_n.jpg)
افغانستان - اقتصاد وزارت: د وزارتونو او دولتي اداراتو سره د پلازمینې زون پراختیا ادارې کاري غونډه د اقتصاد وزیرې ډاکټر کریمه حامد فاریابي په مشرۍ او د پلازمینې زون د پراختیاادارې عمومي رییس نجیب الله شینواري، د یادې ادارې ستر سلاکار جارالله منصور، د اقتصاد وزارت مرستیال او اړوند رییسانو او د پلازمینې زون د پراختیا ادارې د رییسانو په ګډون د اقتصاد وزارت د کنفرانسونو په تالار کې جوړه شوه.
د غونډې په پیل کې د اقتصاد وزیرې د یادې ادارې له کړنو ، لاسته راوړنو او نوښتنو څخه ستاینه وکړه او د نوموړې ادارې څخه یې په مختلفو برخو کې او بغیر له وظیفوي ټکره د همکاریو او همغږۍ غوښتنه وکړه. او د منظمو تګلارو سره د سرچینو په ګټورې استفادې یې ټینګار وکړ.
وروسته د پلازمینې زون د پراختیا ادارې عمومي رییس نجیب الله شینواري د پلازمینې زون د پراختیا قانون د مسودې په اړه د معلوماتو په وړاندې کولو سره د اقتصادي مطالعاتو او بنسټونو په برخه کې د نورو ادارو او په ځانګرې ډول د اقتصاد وزارت د همکاریو غوښتنه وکړه.
همدارنګه په دې غونډه کې د پلازمینې زون د پراختیا ستر سلاکار جارالله منصوري د یادې ادارې اصلي فلسفه، د کړنو او اصلي دندو په یادولو سره د پرزنټیشن له لارې د پلازمینې زون ټول اصلي مسؤلیتونه او د اقتصاد وزارت سره ګډ اړخونه یې ګډون کونکو ته وړاندې کړل.
د غوندې په پای کې د اقتصاد وزارت مسلکي مرستیال محمد نبي سروش د برزنټیشن د اوریدو وروسته د هېواد د نافذه قوانینو په رڼا کې د اقتصاد وزارت او د پلازمینې زون د پراختیا ادارې په دوه اړخیزو همکاریو یې ټینګار وکړ.