په دایکندي کې د پراختیایي کمیټې/ PDC غونډه جوړه شوه
افغانستان- اقتصاد وزارت: په دایکندي ولایت کې د پراختیایي کمیټې / PDCغونډه د ولایت والي رشیدي شهیدي په مشرۍ او د مقام د اقتصادي او ټولنیزو چارو مرستیال د ولایتي شورا استازو او د سکتوري ادراو رییسانو په ګډون د ولایت د کنفرانسونو په تالار کې جوړه شوه.
په دې غونډه کې د دایکندي والي د پراختیایي پروژو د پلي کولو لپاره د قرارداد شویو شرکتونو او دولتي اداراو ترمنځ په لا همغږۍ ټینګار وشو.
په دې غونډه کې د ولایت د اقتصاد رییس د تېرې غونډې د پرېکړو د پرمختګ راپور د هغو پروژو، چې تر کار لاندې دي او د هغو پروژو، چې په تدارکاتو کې دي د پرمختګ راپور یې ګډون کوونکو ته وړاندې کړ.
د دایکندي ولایت د اقتصاد رییس په وینا دم ګړۍ ۲۴ پروژې تر کار لاندې دي او هغه پروژې، چې له تېر کال څخه یې چارې نیمګړې پاتې دي، د هغو چارې هم پای ته رسېدلې او یا د تدارکاتو لاندې دي.
د غونډې په بهیر کې د اجنډا سره سم په مختلفو ولسوالیو کې د پراختیایي پروژو په ستونزو بحث وشو او د سکتوري اداراو رییسانو د پراختیایي پروژو په لاره کې د ستونزو د حل لپاره او د پروژو د تطبیق د پروسې ګړندي کولو لپاره نظرونه او وړاندیزونه د غونډې ګډون کوونکو ته وړاندې کړل.
