د اقتصاد وزارت د اطلاعاتو او عامه اړیکو له ریاست څخه اطلاعاتو ته د لاسرسي کمیسیون د څارنې ټیم لیدنه وکړه
د اقتصاد وزارت_افغانستان: اطلاعاتو ته د لاسرسي کمیسیون د څارنې ټیم د اقتصاد وزارت د اطلاعاتو او عامه اړیکو له ریاست څخه لیدنه وکړه. ددغې لیدنې په جریان کې د اقتصاد وزارت د اطلاعاتو او عامه اړیکو رییسې نوريه نزهت معلوماتو ته د لاسرسي قانون د میتود په کارولو سره او د قانون د پلي کولو د هڅو په اړه همدارنګه د غوښتونکو سره د معلوماتو د شریکولو لپاره د وزارت د رهبري د ژمنو په اړه خبرې وکړې.
اطلاعاتو ته د لاسرسي کمیسیون د څارنې کمیټې غړی محمد داوود فیاض او ورسره هیات د یاد وزارت کارکوونکو نه د معلوماتو سره مسوولانه چلند په برخه کې ستاینه وکړه او د وزارت د اطلاع رسوونې او د غوښتونکو سره ددې وزارت د کار کوونکو په رویه او د اطلاعاتو د ورکولو پروسې ارزونه وکړه.
ددې لیدنې په جریان کې په ولایتي او مرکزي کچه اطلاعاتو ته د لاسرسي د حق قانون په چوکاټ کې د اعلاناتو په لار اچول، د وزارت اطلاع رسونې مسول له لوري اطلاعات خپرول، تخنیکي اسانتیاو چمتو کول او معلوماتو د غوښتونکو لپاره ورکول او همدا راز د اطلاع رسونې په برخه کې د نويو ستراتیژیو د روزنې په اړه بحثونه وشول.
د یادونې وړ ده، چې اطلاعاتو ته د لاسرسي کمیسیون هر کال اطلاعاتو ته د لاسرسي د قانون د حق له مخې د اطلاع رسونې کار کوونکو ارزونه کوي.
