د هېواد د اقتصاد وزیر ښاغلې مصطفی مستور د نارنجي تجارتي شبکې په پرانیسته غونډه کې، چې په کابل کې د هالنډ سفارت په نوښت د ۱۵متشبثو هلکانو او انجونو لپاره په لاره اچول شوې و ګډون او ویناوې وکړه.

د اقتصاد وزیر، د دې شبکې جوړولو لپاره د هالنډ سفارت نوښت چې اوس د پنځلس کوچني او مینځنۍ سوداګرۍ سازمانونو لخوا پیل شوي دي ،د نوي سوداګرۍ رامینځته کولو د ملاتړ لپاره ارزښتناک ګام وبلل، او مالکانو ته یې وویل چې د اوسني ستونزو سره ، په افغانستان کې د پانګوونې او کار کولو لپاره د دوی جرات او باور د ستاینې وړ دی.
ښاغلې مستور، د کلنۍ سوداګرۍ کچه احصایې وړاندې کړه او دا چې کورني مارکیټ په کال کې د توکو او خدماتو وارداتو شاوخوا 7.5 ملیارد ډالرو ته د راجلبولو ځواک لري، د ګټورې پانګوونې لپاره عالي فرصت وبلل. او زیاته کړه چې د اقتصاد وزارت د ورداتو د تعویض( بدلولو) په موخه پر مولد افغانستان ستراتیژۍ باندې کار کوي ؛ ترڅو په هیواد کې د تولید لګښتونو راټیټ او کورنیو تولیداتو وده ورکولو ته لاره هواره کړي ، لا دوامدارې دندې رامینځته کړي او د لا ډیرې پانګونې د راجلبولو لامل شي.
د اقتصاد وزیر د اقتصادي حالاتو د ښه والي د اړتیا په ټینګار سره نورو سفارتونو او نړیوال بنسټونو ته هم بلنه ورکړه، چې د هالند سفارت په څیړ د ځوان سوداګرو ملاتړ لپاره د حکومت تر څنګ ودریږي.