د مۍ درېیمه نیټه د مطبوعاتو آزادۍ د نړیوالې ورځې په پار د هیواد د اقتصاد وزیرې ډاکټر کریمه حامد فاریابي

افغانستان - اقتصاد وزارت: د افغانستان اسلامي جمهوري دولت په ۲۰۰۱ زیږیدیز کال کې د نوي سیاسي نظام په رامنځته کیدو سره د مطبوعاتو په ډګر کې د پام وړ او بې سارې لاسته راوړنې درلودلې دي.

نن ورځ افغانستان د سیمې یو له هغو هیوادونو څخه ګڼل کیږي، چې د ډیرو رسنیو او مطبوعاتو اړوند قوانینو او مقرراتو په پانوي سره د بیان د آزادۍ د تحقق زمینه برابره وي او له مطبوعاتو څخه یې ملاتړ کړی دی.

زه ددغې مهمې ورځې مبارکي د افغانستان خبریالانو او د رسنیو غړیو ته وایم. د دیموکراتیکي ارزوښتونو څخه ملاتړ او هغوی ته پام کول د خپل ځان او د اقتصاد وزارت د همکارانو اساسي دندې بولم.

مونږ د اساسي قانون، د رسنیو قانون او اطلاعاتو ته د لاسرسۍ قانون په رڼا کې د هېواد ټولو وګړو او په ځانګري ډول د رسنیو فعالانو د غوښتنو لپاره د اطلاعاتو د چمتو کولو په برخه کې هر اړخیزې همکارۍ ته ژمن یو.

مونږ باور لرو، چې اطلاعاتو ته لاسرسی د افغانستان د خلکو له اصلي حقونو څخه ګڼل ګیږي، چې دغه حقوق به د رسنیو له لارې تأمین شي. هیله لرم، چې ټول سره یو ځای ددغې سترې لاسته راوړنې، چې د زیاتو خبریالانو او د رسنیو فعالانو په قربانۍ سره لاسته راغلې ده، لا نور زیات ملاتړ یې باید وشي.

باور لرم، چې ښه حکومتوالي یوازې د آزادو رسنیو د کړنو تر سوري لاندې او شفاف خدمتونه وړاندې کړي. او د خپلو ولسونو په مقابل کې ځواب مو ویلی وي.

په پای کې د تېرو ۲۰ کالونو د بېلابېلو پېښو له امله د بیان د آزادۍ د لارې قربانیان او شهیدانو ته چې، د رسنیزو فعالیتونو په ډګر کې یې خپل ځانونه له قرباني کړي دي، د هغوی سپېڅلو روحونو ته د لوی ذات څخه د دعا غوښتونکې یم. او ټینګار کوم، چې د مطبوعاتو او رسنیو آزادۍ د هیڅ معاملې وړ نه ده. او باید ثابته یې وساتو