جلسۀ نوبتی هیات رهبری وزارت اقتصاد برگزار شد.
کابل، 19 دلو 1399:
پیش از ظهر امروز، جلسۀ هیات رهبری وزارت اقتصاد، تحت ریاست دوکتور کریمه حامد فاریابی وزیر اقتصاد کشور در تالار کنفرانس‌های این وزارت دایر شد.
دراین جلسه، روسای شعبات مرکزی وزارت و روسای اقتصاد ولایات پنجشیر، بغلان، هرات و پکتیا گزارش‌های کاری زون‌های مربوط شان را در قسمت آگاهی‌دهی از سند دوم چهارچوب ملی صلح و انکشاف ارایه کرده و نظریات شان را در قبال تدوین پلان استراتیژیک1400-1405 وزارت اقتصاد شریک ساختند.
سپس، وزیر اقتصاد با ارزیابی کارهای صورت گرفته، خواهان توجه مسؤولین در زمینه آگاهی‌دهی بیشتر از ANPDF دوم، ترتیب پلان‌های سالانه ولایتی، ترتیب پلان‌های نظارتی، دیجیتال‌سازی امور دفتری، تداوم رایزنی با تمویل کننده‌گان پیرامون تعدیل قانون مؤسسات غیردولتی و نهایی‌سازی پلان استراتیژیک پنج‌سالۀ وزارت اقتصاد شد.
